Бүгүн Франция, Аргентина курамалары алгачкы беттешин өткөрөт

Бүгүн, 16-июнда Орусияда өтүп жаткан футбол боюнча Дүйнө чемпиондугунун тайпалык баскычынын алкагында 8 команданын өз ара беттеши орун алат. Анда мелдештин 3-күнүндө "С" жана "D" тайпаларында Франция-Австралия, Аргентина-Исландия, Перу-Дания жана Хорватия-Нигерия курама командалардын беттеши өтмөкчү.

Франция менен Австралия курамаларынын беттеши Казань шаарынын "Казань Арена" стадионунда орун алып, Бишкек убактысы боюнча саат 16:00дө башталат.

Аргентина менен Исландия командаларынын беттеши Москва шаарындагы "Спартак" стадионунда өтүп, Бишкек убактысы боюнча саат 19:00дө старт алат.

Перу-Дания беттеши Сарансктагы "Мордовия Арена" аттуу стадиондо өтөт. Беттеш Бишкек убактысы боюнча саат 22:00дө башталат.

Хорватия жана Нигерия курамаларынын беттеши 17-июнга караган түнү саат 01:00дө башталып, "Калининград" стадионунда өтмөкчү.