Сокулук РИИБинин жана ИИМдин кызматкерлери кылмышка шектүү адамдын качып кетишине жол бергени үчүн жазаланды

Сокулук РИИБинин жана ИИМдин кызматкерлери кылмышка шектүү адамдын качып кетишине жол бергени үчүн жазаланды. Бул тууралуу бүгүн, 16-июнда Ички иштер министрлигинин басма сөз кызматы билдирди.

Маалыматка ылайык, 31-майда 404 грамм маңзат менен Ш.Ш. аттуу жаран кармалган. "Кылмышка шектүү жаранды кайтаруу толук камсыз болбогондуктан ал оңой эле качып кеткен. Мындан улам Сокулук РИИБинин коомдук коопсуздук кызматынын нөөмөт бөлүмүнүн ага нөөмөт тескөөчүсүнө, ИИМдин баңгизаттарды жүгүртүүгө каршы күрөшүү кызматынын башчысына эскертүү, Сокулук РИИБинин коомдук коопсуздук кызматынын башчысына, Сокулук РИИБинин коомдук коопсуздук кызматынын нөөмөт бөлүмүнүн имарат күзөтүү тобунун милиция кызматкерине катуу сөгүш тартиптик жазалары берилди. Ошондой эле ИИМдин баңгизаттарды жүгүртүүгө каршы күрөшүү кызматынын ыкчам изилдөө башкармалыгынын башчысына жана Сокулук РИИБинин башчысынын орун басарына сөгүш жарыяланды", - деп билдирди.