Декларация: Юстиция министри Алмамбет Шыкмаматов 2012-жылы 434 508 сом киреше тааптыр

Кыргызстандын юстиция министри Алмамбет Шыкмаматов 2012-жылы негизги иш ордунан 434 508 сом киреше тааптыр. Бул тууралуу аталган министр бир жылдык кирешеси жана жалпы мүлкү тууралуу тапшырган декларациясында көрсөткөн. Ал эми кыймылсыз мүлкү тууралуу Шыкмаматов эч кандай маалымат жазган эмес. Анын жакындарынын былтыркы кирешеси 4 миллион 700 миң сом болсо, кыймылсыз мүлкү 66 чарчы метр аянтты ээлеген бир үй жана 230 чарчы метр жерди ээлеген бир батир.