Жалал-Абадда 46 жаштагы жаран агасынын үйүнөн чыгып кеткен боюнча дайынсыз болууда

Жалал-Абад облусунда 46 жаштагы жаран агасынын үйүнөн чыгып кеткен боюнча дайынсыз болууда. Бул тууралуу ӨКМнын басма сөз кызматы билдирди.

Маалыматка ылайык, изделип жаткан жаран 21-июндан бери дайынсыз.

"Издөөдөгү жаран Таш-Көмүр шаарынын Кызыл-Алма айылынын Б.Т. аттуу тургуну. ӨКМга издөөдө жүргөн адамдын туугандары маалымат берип, Нарын дарыясынын жээгинен издеп берүүнү суранышкан. 25-июнь издөө иштери улантылып ӨКМнын республикалык өзүнчө куткаруу отрядынан 2, өзүнчө издеп куткаруу отрядынан 12 куткаруучу жана туугандары тарабынан 2 адам тартылган. Натыйжада жаран табылган эмес. Издөө иштери бүгүн, 26-июнь күнү улантылат", - деди маалымат катчы.