Орусияда 8-класстын окуучусу 1,5 литр алкоголдук ичимдик ичкенден кийин каза болду

Орусиянын Челябинск облусундагы Магнитогорск шаарында спирттик ичимдикти ичкенден улам 8-классты бүтүргөн окуучу каза болду. Бул тууралуу орусиялык басылмалар жазууда.

Маалыматка караганда, өспүрүм кыз "жин-тоник" ичимдигинен 1,5 литр ичкен. Оор абалда ооруканага жеткирилген кыздын өмүрүн дарыгерлер сактап кала алышкан эмес.

Алдын ала айтылган божомолдор боюнча, кыз ичкен ичимдик заводдун өзүндө даярдалган эмес, жасалма болушу мүмкүн.