УКМКнын өкүлү Сирияга өлкөдөн канча адам кетип, анын канчасы каза болгонун айтты

"Ысык-Көл облусунун Жети-Өгүз районунда террористтик уюмга тийиштүү мечит бар", - деп депутат Айсулуу Мамашова парламент жыйынында билдирди.

Анын айтымында, өлкөдө терроризмге каршы күрөшүү жакшы жүрбөй жатат.

"Акыркы учурларда саясий иштер менен гана алек болуп туруп алдык. Улуттук коопсуздукка зыянын тийгизчү багытта иштер жүрбөй жатат. Ысык-Көлдө террористтик уюмга тиешеси бар мечит бар экен. Эмнеге аларды катуу текшерүүгө албайсыңар?" - деди Мамашова.

Улуттук коопсуз мамлекеттик кызматынын антитеррористтик борборунун директорунун орун басары Канжар Бокаев аталган маалымат боюнча териштирүү жүргөнүн айтты. "Якын-Инкар" уюму сот тарабынан "экстремисттик" деп табылган. Ысык-Көлдө "Якын-Инкар" уюмунун адамы имамдык кылган мечит жок экен. Териштирүү учурунда сиз айткан маалымат такталган жок. Имамдарды дайындоону бизден сырткары дин комиссиясы менен муфтият көзөмөлгө алат”, - деди Бокаев.

Мамашова Сирияга кеткендердин көбү Ысык-Көл облусунан экенин айтып, мында террористтик уюмдардын таасири болуп жатканын билдирди. "Ысык-Көлдөн Сирияга канча адам кеткен?" - деди Мамашова.

Бокаев: "Жалпысынан өлкө боюнча 850 адам Сирияга кеткен. Анын 150сү каза болгон", - деди.

Депутат "Ойлонбой эле 850 адам Сирияга кеткен деп айтып жасатыңар" деп нааразы болду.