ЭЛДИК КАБАР: "Кырсык көп катталган Чычкан капчыгайындагы жолго атайын белги коюш керек" дейт окурман

"Кырсык көп катталган Чычкан капчыгайындагы жолго атайын белги коюш керек" деген билдирүүсүн окурман "Соңку кабар" бөлүмүнүн "ЭЛДИК КАБАР" рубрикасына жиберген.

"Жакында эле Чычкан капчыгайында орун алган жол кырсыгы адамдардын өмүрүн алып, 1 жаштагы наристени энесиз калтырып отурат. Бул жол чакырымындагы кырсыктардын алдын алыш үчүн атайын жарык берүү орнотуу керек. Ошондой эле Өрүктү аймагындагы бурулушка алыстан көрүнүп, күндүзү да, түнкүсүн да күйүп турган чоң, атайын белги коюш керек. Аталган аймакта жол кырсыктары көп катталып канча деген мекендештерибиздин өмүрүн алып жатат. Маселеге тийиштүү министрлик олуттуу карап, чараларды көрсө жакшы болмок", - дейт окурман.

Айта кетсек, 26-июнда Чычкан капчыгайында жеңил унаа сууга кулап 6 адам жабыркап, 2 киши көз жумган.