Чейрек финалга өткөн командалар аныкталды (оюндардын тизмеси)

4-июлга караган түнү Орусияда өтүп жаткан футбол боюнча Дүйнө чемпиондугунун жарым чейрек финалдык баскычы жыйынтыкталып, чейрек финалга аттанган бардык командалар аныкталды.

2018-жылкы Дүйнө биринчилиги күтүүсүз жана кызыктуу окуяларга бай болууда. Алгачкысы Германиянын плей-оффко өтпөй калганы болсо, эң негизгиси Орусия курамасы Испанияны жеңип, чейрек финалга өткөнү болду.

Жалпы 32 команданын катышуусунда старт алган аалам биринчилигинде 8 команда гана калды. Алар тайпалык баскычта жана жарым чейрек финалда мыктылыгын, чеберчилигин жана күчтүү мүнөзүн көрсөтүп кийинки этапка өтүштү.

Чейрек финалдык баскычта эми Уругвай-Франция, Бразилия-Бельгия, Орусия-Хорватия жана Швеция-Англия беттештери орун алат.

Оюндардын тизмеси (Беттештер Бишкек убактысы боюнча):

6-июль жана 7-июлга караган түнү:

20:00 - Уругвай-Франция ("Төмөнкү Новгород" стадиону);

00:00 - Бразилия-Бельгия ("Казань Арена" стадиону);

7-июль жана 8-июлга караган түнү:

20:00 - Швеция-Англия ("Самара Арена" стадиону);

00:00 - Орусия-Хорватия ("Фишт" стадиону).