Волейбол боюнча Кыргыз улуттук курама командасынын Азия оюндарындагы атаандаштары аныкталды

Волейбол боюнча Кыргыз улуттук курама командасынын Азия оюндарындагы атаандаштары аныкталды. Бул тууралуу Кыргыз Республикасынын волейбол федерациясынан билдирди.

Индонезияда 18-август - 2-сентябрь аралыгында өтө турган Азия оюндарынын алкагында волейбол боюнча мелдеште Кыргыз курамасы "А" тайпасына түшүп, Сауд Арабия жана Индонезия курамалары менен кез келет. Тайпалык баскычтын соңунда алдыңкы 2 команда кийинки этапка жолдомо алат.

Алгачкы беттешин Кыргыз курамасы 20-августта Сауд Арабияга каршы өткөрсө, 2-беттешти 24-август күнү Индонезия менен өткөрөт. Ал эми Сауд Арабия менен Индонезия курамаларынын беттеши 22-августта орун алат.

Эске салсак, буга чейин Азия оюндарынын алкагындагы футбол боюнча мелдеште Кыргыз курамасынын атаандаштары белгилүү болгон.