Испанияда бука матадордун баш терисин сыйрып салды

Испанияда бука матадордун баш терисин сыйрып салды. Бул тууралуу чет элдик маалымат каражаттары жазып чыгышты.

Маалыматка ылайык, Испаниянын Аревало шаарында эл алдында өз өнөрүн тартуулап жаткан матадор Хуану Хосенин баш терисин бука мүйүзү менен сыйрып салган. Матадор дароо ооруканага жеткирилип дарыгерлер анын баш терисин кайрадан калыбына келтирип тигишкен.

Хосенин айтымында, ал окуя болгон учурда жубайына чалуу үчүн дароо уюлдук телефонун издеген. Ал өзүнүн социалдык тармактагы баракчасына ага санаа тартып, колдогон күйөрмандарга ыраазычылыгын билдирип абалы жакшы экенин жарыялаган.

Буга чейин 2011-жылы Сарагосто бука матадордун көзүн жарадар кылган. Ошондон тартып ал сол көзүн таңып жүрөт.