Мэр Иса Өмүркуловдун отчётун угуу маалында аткарган иштери тууралуу видеоролик көрсөтүлдү

Бишкек шаарында 6000дей өз алдынча салынган курулуштар бар, алардын 3500үн гана мыйзамдаштырууга болот. Бул тууралуу бүгүн, 27-июнда Бишкек шаарынын мэри Иса Өмүркуловдун отчётун угуу учурунда көрсөтүлгөн видеороликте маалымдалды. Анда ошондой эле борбордогу жаңы конуштардагы жолдор жана унаа жолдор оңдоп-түзөөдөн өтүп жаткандыгы тууралуу маалыматтар берилди. Шаар башчы “Жашылдандыруу” муниципалдык ишканасынын материалдык-техникалык базасы жакшыртылып, ирригациялык түйүндөр оңдолуп, миңдеген бак-дарактардын көчөттөрү отургузулганын жана шаардагы тышкы жарык берүү аппараттары жаңыртылып жатканын жана башкаларды айтып өттү.