Тауекел Мусилим сүйүктүүсү өзүнөн 11 жаш кичүү экенин ачыктады

Казакстандын мега жылдызы, актёр жана алпаруучу Тауекел Мусилим өзүнүн сүйүү мамилеси тууралуу үн катты. Буга чейин "жүрөгүм бош, үй-бүлө курууга шашылган жокмун" деген актёр сүйүктүүсү өзүнөн 11 жаш кичүү экенин ачыкка чыгарды. Бул тууралуу казак маалымат булактары жазып чыкты.

Маалым болгондой, Тауекел Мусилимдин колун кармаган казак аруусу 19 жашта. Алар мындан 4 ай мурда жергиликтүү кафелердин биринде таанышып калган.

"Ал абдан карапайым, уяң, сулуу бийкеч. Экөөбүз кыз-жигит болуп сүйлөшүп жүргөндөн бери бир дагы жолу кызганып, таарынган жок. Менин болочоктогу жубайым боло турган бийкеч карапайым эле үй-бүлөнүн кызы. Биз ата-энелерибиз менен таанышканбыз. Буюрса үлпөт тоюбуз кийинки жылы болот", - деп сүйүктүүсү тууралуу маек берген.

Эске салсак, буга чейин Тауекел Мусилим менен ырчы Жанар Дугалованын ортосунда сүйүү оту жанып турат деген кептер айтылган. Бирок ырчы мырза белгилүү блогерлерди, маалымат булактарынын өкүлдөрүн чакырып Жанар Дугалова менен сүйүү мамилесинде эмес экенин билдирген.