Айсулуу Тыныбекова Испанияда килем үстүнө чыгат

Кыргыз балбаны Айсулуу Тыныбекова Испанияда өтүүчү кыз-келиндер күрөшү боюнча Гран-При мелдешине катышат. Бул тууралуу SUPER.KG порталына Жаштар иштери, дене тарбия жана спорт агенттигинен билдиришти.

Аталган мелдеште Кыргыз өлкөсүнөн 2 спортчу катышат, алар: Айсулуу Тыныбекова жана Мадина Надирова. Нурбек Изабековдун шакирттери 14-15- июль аралыгында күч сынашып, 16-19-июль аралыгында окуу-машыгуу жыйындарын өткөрүшөт.

Бул мелдеш Кыргыз курамасы үчүн Азия оюндарына даярдануу этаптарынын бири болмокчу.

Кыргыз курама командасынын тизмеси:

62 килограммга чейинки салмак ченинде: Айсулуу Тыныбекова - эл аралык даражадагы спорт чебери;

53 килограммга чейинки салмак ченинде: Мадина Надирова - спорт чебери;

Башкы машыктыруучу: Нурбек Изабеков.

Дарыгер: Бактыгүл Алишерова.