Бишкек шаардык кеңештин депутаты мэр эмгек өргүүсүндө жүргөндө аны кызматтан кетирүүгө боло турганын айтты

Бишкек шаардык кеңештин депутаты Рыспай Аматов мэр Албек Ибраимов эмгек өргүүсүндө жүргөндө аны кызматтан кетирүүгө боло турганын айтты. Бул тууралуу ал бүгүн, 13-июлда журналисттерге билдирди.

"Бишкек шаардык кеңеши мэрге ишеним көрсөтпөө сунушун колдоп берсе, токтом премьер-министрге жөнөтүлөт. Өкмөт башчы 3 жумуш күн ичинде чечим кабыл алат.10 күндүн ичинде Борбордук шайлоо комиссиясы жаңы мэрди шайлоо мөөнөтүн жарыялайт. Ага чейин вице-мэр Бакытбек Дүйшембиев мэрдин милдетин аткарат. 30дан ашык депутат сунушту колдосо, мэр кызматтан кетет", - дейт ал.

Учурда шаардык кеңештин кезексиз жыйынында мэрге ишеним көрсөтпөө маселеси каралууда.