III Дүйнөлүк көчмөндөр оюндары: Көк бөрү боюнча Кыргыз курама командасы аныкталды. Тизмеге Байыш жана Манас Ниязовдор, Рустам Тыналиев, Нуржан Мелисбек уулу кирди

III Дүйнөлүк көчмөндөр оюндарына катышуучу көк бөрү боюнча Кыргыз курама командасынын тизмеси аныкталды. Бул тууралуу SUPER.KG порталына көк бөрү федерациясынан билдиришти.

Ысык-Көл облусунун Чолпон-Ата шаарында 2-8-сентябрь аралыгында өтө турган III Дүйнөлүк көчмөндөр оюндарына карата көк бөрү боюнча Кыргыз курама командасы түзүлүп, азыркы тапта окуу-машыгуу жыйындарын өткөрүүдө.

Кыргыз курама командасынын тизмесине өлкөбүздүн мыкты улакчылары кирди. Анда Нооруз майрамына карата уюштурулган мелдештин жеңүүчүсү "Ынтымак" командасынан 5 улакчы, Жеңиш күнүнө карата өткөрүлгөн мелдештин жеңүүчүсү "Достук" командасынан 4 улакчы жана "Биримдик" командасынан 3 улакчы курамдын тизмесине кирди.

Кыргыз курама командасынын тизмеси:

Марлис Койгелдиев ("Ынтымак")

Байыш Ниязов ("Достук")

Кубаныч Султан уулу ("Биримдик")

Жолдошбек Орозбаев ("Ынтымак")

Таштемир Майлыбашов ("Достук")

Чубак Нурманбет уулу ("Ынтымак")

Нуржан Мелисбек уулу ("Ынтымак")

Улан Насакеев ("Биримдик")

Аскат Баатырбек уулу ("Достук")

Манас Ниязов ("Достук")

Рустам Тыналиев ("Биримдик")

Сейитбек Анарбек уулу ("Ынтымак")

Резервдеги оюнчу: Айбек Темирбаев ("Достук")