Бишкек шаардык кеңештин төрагасы мэр Албек Ибраимовду кызматтан кетирүү боюнча чечим өкмөткө жөнөтүлгөнүн айтты

Бишкек шаардык кеңештин төрагасы Алмаз Кененбаев мэр Албек Ибраимовду кызматтан кетирүү боюнча чечим өкмөткө жөнөтүлгөнүн айтты. Бул тууралуу ал бүгүн, 16-июлда SUPER.KG порталына билдирди.

Кененбаев чечим өкмөткө жөнөтүлгөнүн гана билдирип, бирок кайсы күнү жөнөтүлгөнүн айткан жок.

Бүгүн өкмөттүн басма сөз кызматы өкмөткө аталган чечим түшө электигин кабарлады.

Эске салсак, 13-июлда Бишкек шаардык кеңештин депутаттары Албек Ибраимовго ишеним көрсөтпөө чечимин кабыл алган. Шаардык кеңештин төрагасы билдиргендей, өкмөт башчы 3 иш күндүн ичинде шаардык кеңеш жөнөткөн токтомду карап чыгышы керек. Эгерде мэрге ишеним көрсөтпөө чечимин колдосо, Борбордук шайлоо комиссиясы шайлоо күнүн белгилейт.