14 жаштагы бала Бишкектеги Кан борборунан 10 күн мурун чыгып кеткен бойдон дайынсыз болууда

Бишкекте 2004-жылы туулган Бекзат Тешебаев аттуу бала дайынсыз болуп изделүүдө. Биринчи Май РИИБинин кылмыш издөө бөлүмүнөн SUPER.KG'ге 17-июлда билдиришкендей, Бекзат 24-июнь күнү Бишкектин Тынчтык проспектисинде жайгашкан Республикалык кан борборунан чыгып кеткен бойдон кайрылып келген эмес.
"Ал Кан борборунда Бекзаттын таенеси иштейт экен. 24-июнь күнү жанында болгон. Бирок бир убакта сыртка чыгып кеткен бойдон кайрылып келген эмес. Учурда аны шаардан көрүп билгендер маалымат берип жатышат. Бирок табыла элек", - деп билдиришти РИИБден.

Өзгөчө белгилери: бою 150-155 сантиметр, орто бойлуу. Үстүнө кызыл түстөгү чатыраш көйнөк, астына көк түстөгү чолок шым, бутуна тапичке кийип жүргөн.

Эгерде Бекзат Тешебаевди көргөн-билгендер болсо, Биринчи Май РИИБинин 0701 41 19 79, 0550 10 24 86, 0555 75 79 55, 0550 10 21 70 же 102 номурларына чалып, кабарлап койсоңуздар болот.