Ош ШИИБи: "3 күндө 4 жаран ѳз өмүрүн кыюуга аракет жасаса, бирѳѳ асынып каза болду"

3 күндө 4 жаран ѳз өмүрүн кыюуга аракет жасаса, бирѳѳ асынып каза болду. Бул тууралуу SUPER.KG'ге Ош ШИИБинин басма сөз катчысы Замир Сыдыков 17-июлда кабарлады. Анын айтымында, алардын мындай аракеттерге баруусуна үй-бүлѳдѳгү, достордун арасындагы пикир келишпестиктер түрткү болгон.

"14-июль күнү Кулатов кичи районунда жашаган 16 жаштагы кыз кѳп кабаттуу үйдүн терезесинен боюн таштап, ѳзүн ѳзү ѳлтүрүүгѳ аракет кылса, 15-июль күнү Муминов кѳчѳсүндѳгү үйгѳ конокко келген 50 жаштагы Кара-Суу районунун тургуну (эркек киши) асынып каза болгон. Ал эми Ош шаарынын 25 жаштагы тургуну (аял киши) ири ѳлчѳмдѳгү димедрол дарысын ичип, ѳзүн ѳзү ѳлтүрүүгѳ аракет жасаган. Ошондой эле Манас-Ата кичи районунун 21 жаштагы тургуну (аял киши) да ири ѳлчѳмдѳгү түрдүү дарыларды ичип, ѳзүн ѳлтүрүүгѳ аракет кылса, 16-июль күнү да 21 жаштагы тургун (аял киши) 20 даана аспирин таблеткасын ичип, ѳзүн ѳзү ѳлтүрүүгѳ аракет жасаган. Дары каражаттарын ичип өз жанын кыюуну көздөгөндөр дарыгерлердин жардамы менен аман калышкан", - деп билдирди Сыдыков.

Мындан улам Сыдыков Ош ШИИБи жергиликтүү мамлекеттик органдарды, ѳкмѳттүк эмес уюмдарды, укук коргоочуларды жана дин өкүлдөрдү бул багытта коомчулукка түшүндүрүү иштерин жүргүзүүнү күчѳтүүгө чакырарын кошумчалады.