Жогорку Кеңештин депутаты Исхак Масалиев: "Жээнбековду Атамбаев сунуш кылды, эл шайлады"

Президент Сооронбай Жээнбеков 12-июлда Талас облусуна иш сапары менен барган. Ал эл менен жолугушуу учурунда Чыңгыз Айтматов, Турдакун Усубалиев, Абсамат Масалиев менен кезинде бирге иштегенин айтып, алардын батасы менен президент болгонун билдирген.

Президенттин бул пикиринен кийин SUPER.KG порталы экс-президент Алмазбек Атамбаевдин чечими болбосо Сооронбай Жээнбеков президент болуп шайланат беле деген суроосуна Жогорку Кеңештин депутаты Исхак Масалиев төмөндөгүдөй жооп берди.

"Жээнбеков ошол өзү атап өткөн кишилер менен 5 жыл чогуу депутат болуп иштегени чын. Менин пикиримде, ал ошол улуу кишилер менен бирге иштеп, ошолордон сабак алдым деген мааниде айтты окшойт. Ар бир жаш депутат үчүн улуу кишилер менен бирге иштеген сыймык. Анын президент болуп шайланышы боюнча айтсам, аны Атамбаев сунуш кылды, шайлаганын эл шайлады”, - деди Исхак Масалиев.

Жогорку Кеңештин депутаттары Зарылбек Рысалиев, Рыскелди Момбеков, Ирина Карамушкина, саясатчы Адахан Мадумаров, саясат таануучу Марс Сариев, Даниэл Кадырбековдун пикри төмөнкү шилтемеде.