Алмазбек Атамбаев Албек Ибраимовдун кармалышы боюнча үн катты

"Сапар Исаков жана Кубанычбек Кулматовдун кылмыш иштериндеги чындыкты жана мыйзамды тоготпоону көрүп туруп, мен Албек Ибраимовго карата тергөө калыс болоруна ишенбейм", - деп бүгүн, 19-июлда КСДП экс-президент Алмазбек Атамбаевге шилтеме берүү менен билдирүү таратты.

"Дастан" ишканасы мамлекетке миллиондогон кирешени, ал эми мамлекетке - ишкананын тарыхында алгачкы жолу үлүш пайда алып келгени үчүн Албек Ибраимовду айыптап жатышканын дегеле түшүнүп болбойт", - дейт Атамбаев.

Эске салсак, Албек Ибраимовго "Дастан" ишканасын жетектеп турган учурда болгон сатып алуулар боюнча кылмыш иши козголгон. Бүгүн Албек Ибраимов Улуттук коопсуздук боюнча мамлекеттик комитети тарабынын кармалды.

13-июлда Бишкек шаардык кеңештин депутаттары Ибраимовго ишеним көрсөтпөө чечимин көрсөтүп, токтомду премьер-министрге жөнөтүшкөн. Бүгүн премьер-министр тийиштүү токтомго кол койду.