“Сезим” кризистик борбору жайгашкан имараты үчүн ижара акы төлөөдөн бошотулду

Бишкек шаардык кеңеши борбор шаардагы “Сезим” кризистик борборун жана европа мектебин жайгашкан имараты үчүн ижарага акы төлөөдөн бошотту. Тиешелүү токтом бүгүн, 27-июнда шаардык кеңештин 6-сессиясында кабыл алынды. Жыйын учурунда аталган борбордун бир айлык ижара акысы 19 128 сом, ал эми жылдык ижара акысы 229 546 сомду түзөрү белгилүү болду. Аталган токтом Бишкек шаардык кеңешинин көпчүлүк коалициясы тарабынан сунушталып, депутаттар тарабынан бир добуштан колдоого алынды.