Жеңил учактарды айыл чарбасында колдонууга багытталган мыйзам долбоору 2-3-окууда кабыл алынды

ЖКнын бүгүнкү, 27-июндагы жыйынында “КРнын Аба кодексине өзгөртүүлөрдү киргизүү” тууралуу мыйзам долбоорун 2-3-окууда кабыл алды. Мыйзам долбоору тарабынан жеңил жана өтө жеңил авиацияны айыл чарбада колдонуу сунушталууда. Аларга парапландар, паромоторлор, дельтапландар, дельталеттор, өтө жеңил жана жеңил учактар жана жылуулук шарлары кирет. Мындан тышкары мындай аппараттарды куткаруу ишинде, туристтик учууларда, аэрофототартуу жүргүзүүдө жана башка иш-чараларда колдонууга болот.