Москвада Кыргыз жараны жыныстык органына операция жасатып жаткан учурда каза болду

Орусиянын Москва шаарында Кыргыз жараны жыныстык органына операция жасатып жаткан учурда каза болду. Бул тууралуу чет элдик маалымат булактары жазып чыгышты.

Маалыматка ылайык, 23-июлда полиция кызматкерлерине шаардагы "Асклепий" клиникасында аялдын каза болгону тууралуу маалымат келип түшкөн.

Полиция кызматкерлери айтылган дарекке барып, каза болгон аял 39 жаштагы Кыргыз жараны экенин аныкташкан. Алдын ала алынган маалыматтар боюнча, каза болгон аялга клиниканын 66 жаштагы кызматкери лидокаин дарысын сайган.

Тергөө органдары коопсуздук талаптарына жооп бербеген кызмат көрсөткөндүгү үчүн клиникага кылмыш ишин козгоду. Ошондой эле маркумга соттук-медициналык экспертиза дайындалганы жазылат маалыматта.

Орусиядагы Кыргыз элчилигинин маалымат катчысы Гулбарчын Байымбетовага окуя боюнча кайрылганыбызда, "учурда окуя такталып жатат, кийинчерээк кеңири маалымат берилет", - деп билдирди.