Бишкекте велосипед тээп баратып унаа сүзүп кеткен адамдын аты-жөнү белгисиз болууда (абайлаңыз, сүрөт)

Бишкекте Honda Inspire үлгүсүндөгү унаанын айдоочусу велосипед тээп бара жаткан адамды сүзүп кетип, ал №4-оорукананын жандандыруу бөлүмүндө жатат. Бишкек ШИИББинин маалымат кызматы жабырлануучунун аты-жөнү такталбай жатканын кабарлады.

Маалыматка ылайык, окуя 22-июль күнү саат 05:40 чамаларында Лев Толстой көчөсүндө катталган. Анда Honda Inspire үлгүсүндөгү унаанын 1988-жылы төрөлгөн К.М. аттуу айдоочусу Лев Толстой көчөсү менен чыгыш тарапка бара жатып, велосипед тээп бараткан адамды сүзүп кеткен. Кырсыктын натыйжасында велосипедчен адам оор жаракат алып, №4-оорукананын жандандыруу бөлүмүнө жеткирилген.

Эгерде жабырлануучуну тааныгандар болсо, Бишкек ШИИББине кабарлап койсоңуздар болот. 0 (551) 24-27-24, 0 (701) 801-812 номурларына чалып, кабарлап койсоңуздар болот.