"Супер-Инфо" гезитинде #Бештичап оюну уланууда

Өлкөбүздөгү эң көп нускалуу “Супер-Инфо” гезити өзүнүн Инстаграмдагы достору үчүн #Бештичап оюнун жүргүзүп жатат. Оюндун шарттары эң жөнөкөй. “Супер-Инфо” гезитинин Инстаграмдагы баракчасында табышмак катылат. Анын жандырмагын окурмандар гезиттен табышы керек. Гезиттин ар бир санында табышмактын жообун жазып толтуруу үчүн атайын орун бар. Ал жерге окурмандар өздөрүнүн аты-жөнүн жана гезиттен тапкан жоопту жазып, сүрөткө тартып Инстаграмдагы баракчасына #Бештичап хэштегин (Хэштег ар жума сайын гезиттин чыккан санына жараша өзгөрүп турат. Мисалы: #Бештичап821) кошуп жайгаштырат. Ошондой эле аталган социалдык тармактагы гезиттин расмий баракчасын (@super_info_official) белгилөө керек.

Ар аптанын жума күнү башталган оюн шейшембиге чейин уланып, шейшембиде түз эфирде 5 жеңүүчү кокустан тандоо аркылуу аныкталат. Жыйынтыгында 5 бактылуу окурман 1000 сомдон белекке ээ болот.