2010-жылдан бери Бишкектеги 10 көчөгө жарык орнотуу үчүн 13 миллион каражат жумшалган

2010-жылдан бери Бишкек шаарындагы 10 көчөгө жарык берүүчү каражаттар коюлуп, ага шаардык бюджеттен 13,1 миллион сом каражат кеткендиги мэр Иса Өмүркуловдун 3 жылдык отчётунда жазылган. Ошондой эле 20 көчөдө көчө жарыктарын оңдоо иштери жүргүзүлүп, ага 16 миллион сом каражат жумшалган. “Бул жылы Л.Толстой көчөсүнүн Ибраимов, Шабдан баатыр көчөсүнө чейинки бөлүгүнө көчө жарыктарын орноткону жатабыз”,- деди Өмүркулов.