ЭЛДИК ВИДЕО: "Жумуш учурунда уктаганы аз келгенсип бир катар эреже бузган милиция кызматкерлери"

"Медиа порталдын" "Элдик видео" бөлүмүнө "Жумуш учурунда уктаганы аз келгенсип эреже бузган милиция кызматкерлери" аталыштагы видео жүктөлдү.

Аталган видеодо Жол кыймылынын коопсуздугун көзөмөлдөө башкармалыгынын кызматкерлери тартылган. Анда бактын көлөкөсүндө токтоп турган унаанын ичинде 2 кызматкер жумуш учурунда уктап жатканын көрүүгө болот. Видеого тартып жаткан адам суроо бергенине карабастан алардын бирөөсү уюлдук телефон менен сүйлөшүп жатып унааны айдап кеткен.

Видеону блоггер Болот Ибрагимов өзүнүн социалдык тармактагы баракчасына жүктөгөн. Интернет колдонуучулар аталган видеону кызуу талкууга алышкан. Алардын көпчүлүгү кызматкерлер иш учурунда уктагандары аз келгенсип, өзүлөрү телефон менен сүйлөшүп жатып унаа башкарганы, коопсуздук курун тагынбаганын жана жолго чыгып жатып атайын белгини күйгүзбөгөнүн айтып чыгышкан.