Ноокатта 24 жаштагы келин үйүнүн короосунда асынып каза болду

Ош облусунун Ноокат районунда 24 жаштагы келин үйүнүн короосунда асынып алды. Мындай маалыматты бүгүн, 2-августта SUPER.KG порталына Ош ОИИБинин басма сөз кызматкери Нурпери Абдуллаева билдирди. Анын айтымында, асынган келин учурда экинчи күйөөсү менен жашап жүргөн.

"25-июлда Ноокат районунда келиндин асынып каза болгону тууралуу милиция кызматкерлерине маалымат келип түшкөн. Ычкам топ барган учурда анын жансыз денеси өзү жашаган үйдө асылган абалда болгон. Анын аты-жөнүн тактаган учурда ал 24 жаштагы А.А. аттуу келин болгон. Текшерүүнүн жүрүшүндө маркумдун денесинде күч колдонуунун белгилери болгон эмес. Келиндин ата-энеси, иниси жана кайын журту соттук-медициналык экспертизадан баш тартуу тууралуу тил кат жазып беришкен. Учурда анын жакындары сурак беришүүдө", - деди маалымат катчы.

Маркумдун артында эки баласы калды.