ЖРТнын жыйынтыгы боюнча алтын сертификатка ээ болгондордун арасында аймактардан 4 бүтүрүүчү кирди

Кыргызстанда жалпы республикалык тесттин жыйынтыгы боюнча жогорку жетишкендиктерге ээ болгондордун арасына аймактардан 4 бүтүрүүчү кирди. Бул туурасында Президенттик аппаратын маалыматтык саясат бөлүмү билдирди. Маалыматка ылайык, алардын катарына Кадамжайдагы “Семетей” лицейинин, Жалал-Абад облусундагы №1-гимназиясынын, Ош облусундагы “Олимп” гимназиясынын, ошондой эле Чүй районунун №1-мектебинин бүтүрүүчүлөрү кирген. Мындан тышкары алтын сертификатка ээ болгондордун катарында Орусиянын Иркутск облусунун Братск шаардык мектебинин бүтүрүүчүсү да бар. Ал эми калган алтын сертификат ээлери Бишкек шаарынын мектептеринин бүтүрүүчүлөрү.