Астротөлгө: 6-август күнү акыл-эси курч адамдар төрөлөт

6-августта акыл-эси курч адамдар төрөлөт. Ар бир көз ирмемди эсинде сактай алган мындай адамдар достору үчүн чоң белек. Кызыктуу мүнөттөрдү, сезимдерди эскерүүдө окуяны так баяндап айтып берип көпчүлүктү таң калтырат.

Чыгармачыл жан дүйнөсү күнүмдүк турмушун жомокко айлантууга жардам берет. Алар түгөй катары тандап алган адам өмүр бою күтүлбөгөн белектердин курчоосунда жашайт. Күтүлбөгөн демекчи, бул күнү төрөлгөндөр мүнөзү оор болгондуктан алардын табышмактуу өзгөрүлмө мүнөзү жакындарын да ойго салат. Көп жыл бою чогуу жашадык, бирок мүнөзүн дагы эле толук билбейм дегендерге таң калбай эле койсо болот. Себеби мындай адамдардын эмнени ойлоп, эртеңки күнгө кандай пландары бар экенин так билүү дегеле мүмкүн эмес.

Бул күнү төрөлгөндөр искусствонун көпчүлүк түрлөрү менен тааныш. Алар көп учурда акыл менен иш жасаган, уникалдуу нерселерди ойлоп тапкан генийлер болушат.