III Дүйнөлүк көчмөндөр оюндары: Көк бөрү боюнча Кыргыз курама командасы окуу-машыгуу жыйындарын өткөрүүдө (оюнчулардын тизмеси)

Көк бөрү боюнча Кыргыз курама командасы III Дүйнөлүк көчмөндөр оюндарына Ысык-Көлдө машыгууларды өткөрүүдө. Бул тууралуу Жаштар иштери, дене тарбия жана спорт агенттиги билдирди.

2-8-сентябрь аралыгында өтө турган III Дүйнөлүк көчмөндөр оюндарына көк бөрү боюнча Кыргыз курама командасы Ысык-Көлдүн Чолпон-Ата шаарында окуу-машыгуу жыйындарын өткөрүүдө. Жыйындардын 1-этабы 13-августка чейин созулса, 2-этап 18-августта башталып 31-августта аяктайт.

Көк бөрү боюнча Кыргыз курамасынын курамына өлкөнүн мыкты делген улакчылары кирди. Анда Нооруз майрамына карата уюштурулган мелдештин жеңүүчүсү "Ынтымак" командасынан 5 улакчы, Жеңиш күнүнө карата өткөрүлгөн мелдештин жеңүүчүсү "Достук" командасынан 4 улакчы жана "Биримдик" командасынан 3 улакчы курамдын тизмесине кирди.

Кыргыз курама командасынын тизмеси:

• Марлис Койгелдиев ("Ынтымак") - минген аргымагы Арбат
• Кубаныч Султан уулу ("Биримдик") - минген аргымагы Атаман
• Айбек Темирбаев ("Достук") - минген аргымагы Ахилес
• Эрлан Толобеков ("Ынтымак") - минген аргымагы Дерзкий
• Таштемир Майлыбашов ("Достук") - минген аргымагы Алай
• Чубак Нурманбет уулу ("Ынтымак") - минген аргымагы Ак-Куш
• Нуржан Мелисбек уулу ("Ынтымак") - минген аргымагы Эрке-Тору
• Улан Насакеев ("Биримдик") - минген аргымагы Арча Тору
• Аскат Баатырбек уулу ("Достук") - минген аргымагы Токмок
• Манас Ниязов ("Достук") - минген аргымагы Бойка
• Рустам Тыналиев ("Биримдик") - минген аргымагы Комбат
• Сейитбек Анарбек уулу ("Ынтымак") - минген аргымагы Кара-Куш
• Машыктыруучу - Мыктыбек Туташев.
• Ат багуучулар:
  • Таалай Мырзакматов;
  • Тилек Урманбетов;
  • Калыбек Алтыбаев.