АКШда жаныбарларды куткаруу кызматы зордукталып өлгөн иттин ишин иликтөөнү талап кылууда

АКШда жаныбарларды куткаруу боюнча топ, ээлери тарабынан зордукталган питбуль породасындагы иттин өлүмүнүн иликтенишин талап кылууда. Бул тууралуу чет элдик маалымат булактары жазып чыгышты.

Жаныбарларды куткаруу кызматына Лос-Анжелесте турак үйдүн алдында иттин оор абалда жаткандыгы тууралуу кабар келип түшкөн. Куткаруучу топ айтылган дарек боюнча келгенде кыймылсыз жаткан 5 жаштагы Карго аттуу питбуль породасындагы итти табышкан.

Аны ветеринардык көзөмөлдөн өткөргөн соң, ал адамдар тарабынан зордукталганы аныкталган. Көп өтпөй алган жаракаттарынан улам Карго өлүп калган. Жаныбардын өмүрүн сактап калууга аракет кылган куткаруучулар полиция кызматынан бул ишти иликтеп, иттин өлүмүнө күнөөлүү болгон адамдарды жоопко тартууну талап кылышууда.