Кыргыздын хоккей боюнча жалгыз Эмгек сиңирген машыктыруучусу Болотбек Бектемишов 59 жашында көз жумду

Кыргыз өлкөсүнүн хоккей боюнча жалгыз Эмгек сиңирген машыктыруучусу Болотбек Бектемишов 59 жашында көз жумду.

"Кыргыз Республикасынын Билим берүүнүн мыктысы" жана "Дене тарбия жана спорт мыктысы" Болотбек Бектемишов 1959-жылы 29-февралда Нарын шаарында туулган.

1976-жылы Нарын шаарындагы Токтогул Сатылганов атындагы №1-орто мектебин бүтүргөн. Ошол эле жылы Кыргыз мамлекеттик дене тарбия институтуна тапшырып, аны 1980-жылы ийгиликтүү аяктаган. Мындан улам Бектемишов дене тарбия мугалими жана спорт машыктуруучусу болуп иштеп баштаган.

2006-2008-жылдары Нарын облустук балдар жана уландар спорт башкармалыгынын башчысы кызматын аркалаган.

2008-2011-жылдары Нарын облустук балдар жана уландар спорт мектебинде директорлук кызматта иштеген.

2011-2017-жылдары Нарын облустук балдар жана уландар спорт мектебинде хоккей боюнча машыктыруучу болуп иштеген.

2017-2018-жылдары Нарын облустук олимпиадалык резервдеги адистештирилген балдар жана өспүрүмдөр мектебинде директордун орун басары кызматын аркалап келген.

SUPER.KG порталынын эмгек жамааты Болотбек Бектемишовдун үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.