Бишкекте доллардын расмий курсу 70 сомго жакындап калды

Бүгүн, 15-августта (саат 16:30га карата) Бишкекте кыргыз сомуна карата доллардын жана рублдун курсу жогорулап жатат. Улуттук банктын маалыматы боюнча, бир күн мурун 1 доллардын сомго карата курсу 69 сом 25 тыйындан болуп жаткан болсо, учурда 69 сом 49 тыйынга жетти. Ал эми рубль 1 сом 4 тыйын болуп, 1 тыйынга жогорулады.

Ал эми айрым акча алмаштыруу жайларында сомдун доллар жана рублга карата курсу ар кандай баада болууда. Тактап айтканда, кээ бир акча алмаштыруучу жайлардын ээлери 1 долларды 69 сом 30 тыйындан, рублду 1 сом 3 тыйындан сатып алып, долларды 69 сом 50 тыйындан, рублду 1 сом 0,49 тыйынга сатышууда. Ошол эле учурда дагы башка акча алмаштыруу жайларында 1 доллар 69 сом 40 тыйын, рубль 1 сом 4 тыйынга алынып, доллар 69 сом 65 тыйын, рубль 1 сом 5 тыйынга сатылып жатат.

Август айынын башында акча алмаштыруучу жайларда 1 рублду 1 сом 7 тыйынга, долларды 69 сомго алмаштыруу мүмкүн болуп жаткан.

Ал эми Орусияда доллардын рублга карата курсу да жогору болууда. 8-август күнү айрым банктарда 1 долларды 65 рубль 54 тыйынга сатып алууга мүмкүн болсо, 15-августта орточо эсеп менен 66 рубль 50 тыйынга чыкты.

Орусиялык адистер рублдун төмөндөгөнүнүн себеби АКШнын Орусияга карата жарыялаган жаңы санкцияларынан болушу мүмкүн деп айтышууда.