Орусияда футбол ойноп жаткан топ балдар уруша кетип, 22 жаштагы Кыргыз жараны каза болду

Орусияда футбол ойноп жаткан топ балдар уруша кетип, 22 жаштагы Кыргыз жараны каза болду. Орусиядагы Кыргыз диаспорасынын өкүлү Улан Кошматовдун айтымында, окуя 14-август күнү Красногорск шаарынын Нахабино районундагы футбол аянтчасында болгон.

Маалым болгондой, Кыргыз жарандары менен Тажикстандын жарандары футбол ойноп жатып пикир келишпестиктен улам уруша кетишкен. Натыйжада 22 жаштагы Ш.у.Ж. аттуу Кыргыз жараны жаракат алып каза болгон. Ал Токтогул районунун тургуну экендиги айтылды. Маркумдун жансыз денеси туулган жерине Орусияда иштеген Кыргыз жарандары тарабынан чогултулуп берилген акча менен жөнөтүлдү.

Бул факты боюнча Красногорск шаардык тергөө комитети иш козгоп, шектүү жарандар кармалган. Учурда тергөө иштери жүрүп жатат.