Жайкы Азия оюндары: Волейбол боюнча Кыргыз курама командасы Сауд Арабия курамасынан жеңилип калды

Индонезияда өтүп жаткан Жайкы Азия оюндарынын алкагында волейбол боюнча мелдешке Кыргыз курама командасы Сауд Арабия курамасынан жеңилип калды.

Бүгүн, 20-августта Жакарта шаарындагы "GBK Tennis Indoor" аренасында волейбол боюнча мелдештин "А" тайпасында Кыргыз менен Сауд Арабиянын курамалары кез келишти.

Беттештин жүрүшүндө алгачкы партияда Сауд Арабиянын спортчулары 18:25 эсеби менен жеңишке жетсе, 2-партияда Кыргыз курамасы 25:20 эсеби менен утуп алышты. 3-партиянын жүрүшүндө Кыргыз курамасы атаандашына татыктуу каршылык көрсөткөнү менен 18:25 эсебинде жеңилип калды. 4-партияда Сауд Арабиянын волейболчулары дароо алдыга чыгып, Кыргыз курамасына эсепти тең кылууга дагы мүмкүнчүлүк берген жок. Натыйжада 17:25 эсеби катталып Сауд Арабия курамасы жеңишке жетти.

Эми Кыргыз курамасы кийинки турда Индонезия курамасы менен беттешет.