Жайкы Азия оюндары: Бүгүн Каныбек Жолчубеков, Айпери Медет кызы медаль тагынууга аракет жасашат (күндүн программасы)

Индонезияда өтүп жаткан Жайкы Азия оюндарынын 3-мелдеш күнү спорттун 10 түрү боюнча 28 медалдар топтому ойнотулат. Кыргыздын спортчулары сууда сүзүү, жаа атуу, ок атуу, кыз-келиндер жана грек-рим күрөшү, фехтование жана ушу боюнча мелдештерге катышат.

Азыркы тапта Кыргыз курама командасынын капчыгында 2 күмүш медаль бар. Алардын эркин күрөш боюнча мелдеште Магомед Мусаев жана кыз-келиндер арасындагы күрөштө Айсулуу Тыныбекова утуп алышты.

Мелдештин 3-күнү Кыргыз капчыгына медалдарды балбандар Каныбек Жолчубеков жана Айпери Медет кызы алып келиши мүмкүн.

21-августтун программасы:

Саат 8:00дө

Жаа атуу:

• Диана Канатбек кызы;
• Асел Шарбекова;
• Айтурган Маматкулова;
• Кыз-келиндер арасындагы командалык таймаштар;
• Аралаш командалык таймаштар;

Сууда сүзүү:

• 200 метр аралыкка брасс стилинде сүзүү: Денис Петрашов;
• 400 метр аралыкка ар түрдүү сүзүү: Елизавета Рогожникова;

Фехтование:

• "А" тайпасындагы беттештер: Камила Абдылхамитова;

Ок атуу:

• Санжарбек Эркинбаев;
• Сергей Арзамасцев;

Саат 12:00дө

Грек-рим күрөшү:

• 60 килограммга чейинки салмак ченинде: Каныбек Жолчубеков;
• 67 килограммга чейинки салмак ченинде: Амантур Исмаилов;

Кыз-келиндер арасындагы күрөш:

• 68 килограммга чейинки салмак ченинде: Мээрим Жуманазарова;
• 76 килограммга чейинки салмак ченинде: Айпери Медет кызы;

Кайык менен сүзүү:

• 1 кишилик байдарка менен жарышуу: Максим Сердитов;

Жаа атуу:

• Улукбек Курсаналиев

Саат 18:00дө

Ушу-саньда, чейрек финалдык беттешер:

• 56 килограммга чейинки салмак ченинде: Авазбек Аманбеков;
• 60 килограммга чейинки салмак ченинде: Рустам Ибрагимов;
• 70 килограммга чейинки салмак ченинде: Жоомарт Келдейбай уулу.