Чолпон-Атада Дүйнөлүк кулатуу федерациясынын "WEF Global 13" мелдеши өтөт

24-августта Ысык-Көл облусунун Чолпон-Ата шаарында Дүйнөлүк кулатуу федерациясынын "WEF Global 13" аталышындагы эрежесиз уруш боюнча дүйнөлүк деңгээлдеги мелдеши өтөт. Бул тууралуу SUPER.KG порталына аталган федерациянын Ысык-Көл облусу боюнча президенти Константин Куценко билдирди.

Аталган мелдештин алкагында 40 мушкердин өз ара беттеши орун алат. Анда Чолпон-Ата шаарындагы ат майданда өтө турган мелдеште кыргыз мушкерлер Орусия, Өзбекстан жана Казакстандан келген мушкерлер менен беттешет. Кеченин негизги беттешинде Нурлан Курманалиев менен Дүйшөбай Бакытбек жеңил салмак чениндеги чемпиондук кур үчүн беттешет. Ошондой эле Абдулгажи Газиев менен Санжар Ажибаев жарым жеңил салмак ченинин чемпиондук куру үчүн күч сынашат.

Мелдеш 24-август күнү саат 18:00дө башталат.