Энергетика жана өнөр жай министри: "2013-жылы күздө электр энергияга болгон баа 70 тыйындан 1 сомго көтөрүлүшү мүмкүн"

КРнын Энергетика жана өнөр жай министри Автандил Калмамбетов электр энергияга болгон бааларды кийинки жылдын күз айларынан баштап көтөрүү маселеси каралып жатканын айтты. "Бул кышта электр энергияга болгон баалар көтөрүлбөйт. Бааларды көтөрүү баскычтык негизде болуп, ал 2013-жылдын күз айларында болушу мүмкүн. Анда электр энергияга болгон баа 70 тыйындан 1 сомго чейин көтөрүлүшү мүмкүн. Бирок мунун карапайым калкка тиешеси жок. Тарифтик саясатты коомдук талкууга алып чыгыш керек",- дейт министр.