"Экономиканын өсүшү "Кумтөрдүн" ишмердүүлүгүнө байланыштуу" деди министр Панкратов

Экономика министри Олег Панкратов 22-августта берген маалымат жыйынында Кыргыз өлкөсүнүн экономикасынын өсүшү "Кумтөрдүн" ишмердүүлүгүнө байланыштуу экенин белгиледи. Анын айтымында, "Кумтөрдүн" ички дүң продукцияга тийгизген таасири чоң.

"Өткөн жылдын биринчи жарымында "Кумтөр" кени алтын өндүрүү тармагында жогорку көрсөткүчтү берип, ички дүң продукциянын көлөмү 6,2 пайызды түзгөн. Жылдын экинчи жарымында нөл көрсөткүчтү берген. Эгерде бул жылы пландагыдай иштесе, жыл аягына чейин ички дүң продукция 2,5,-3 пайызга жогорулайт", - деди Панкратов.

"Кумтөр" 1997-жылдын май айында өз ишин баштагандан тартып 2018-жылдын 31-мартына чейин жалпысынан 11 миллион 700 миң унция же 363,4 тонна алтын өндүргөн.