Мексиканын бир шаарында коомдук жайларда жыныстык катнашка барууга уруксат берилди

Мексиканын Гвадалахара шаарында жарандарга коомдук жайларда жыныстык катнашка барууга уруксат берген мыйзам кабыл алынды. Бул тууралуу NBC Washington каналы билдирди.

Шаардык бийлик кабыл алган мыйзамга ылайык, унаа ичинде жана элдин көзүнө көрүнө турган жайларда жыныстык катнашка барып жаткан адамдардын дарегине башкалар нааразычылык билдирбесе полиция кызматкерлери аларды кармоого жана айып салууга укугу жок.

Бийлик өкүлдөрүнүн айтымында, полиция кызматкерлери мейманканага барууга акчасы жок адамдардын тынчын алгандын ордуна кылмыштуулук менен күрөшүүсү керек.

Ал эми аталган шаардын айрым тургундары мыйзамга каршы чыккан. Алар элдин көзүнчө жыныстык катнашка баруу этикага туура келбестигин жана бул мыйзам педофилдерге көптөгөн мүмкүнчүлүктөрдү ачып берерин билдиришкен.