Абдыжапар Бекматов: “Турсунбек Акун кызматтан мөөнөтсүз бошотулушу боюнча сотко кайрылып, Жогорку Кеңештин токтомун жокко чыгарса болот”

“Акыйкатчы Турсунбек Акун кызматынан мөөнөтүнөн мурда бошотулушу боюнча сотко кайрылса болот”,- деди бүгүн, 1-июлда маалымат жыйында ЖКнын депутаты, акыйкатчынын "мыйзамдагы ууру" Азиз Батукаевдин абактан бошотулушуна катыштыгы бар же жок экендигин иликтеген депутаттык комиссиянын төрагасы Абдыжапар Бекматов. Айтымында, сот акыйкатчынын арызын туура деп тапса, Жогорку Кеңештин токтому жокко чыгышы мүмкүн. “Эгерде сот ошондой чечим чыгарса, анда биз ага баш иебиз”,- деди эл өкүлү.