Астротөлгө: 23-август күнү төрөлгөн адамдар өжөр болушабы?

23-августта төрөлгөндөр өзүнүн айтканынан кайтпаган өжөр, чечкиндүү адамдар болушат. Алар алдына кандай максат койсо бирөөнүн жардамысыз эле өзү чечип, көздөгөн максатын ишке ашыра алышат. Бул күнү жарыкка келген адамдар лидерлик сапатка ээ болушат.

Жеке мамиледе абдан кызганчаак болушкандыктан сүйүктүүсүн дайыма өзгөлөрдөн коргоп, ар дайым аларды көзөмөлдөп турат. Бул күнү төрөлгөндөр "Айттымбы болду" деген принципке таянып алгандай, алар эч качан айткан сөзүнөн кайтпайт. Булардын оозунан кандай сөз чыкпасын сүйүктүүсү үчүн мыйзам болуп эсептелинет.

Ушул күнү жарыкка келгендер кандай тармак болбосун иштеп кетүү жөндөмдүүлүгүнө ээ. Алар жумушунда кыйынчылык болуп жатса тобокелчилик менен өжөрлөнүп жатып кыйынчылыкты жеңип кетет. Бирок өжөрлүгүнүн айынан ден соолугуна зыян келтирип алышы мүмкүн. Андыктан ар бир ишке этият мамиле кылуусу зарыл.