"ЭЛДИК КАБАРга" жооп: ӨКМ: "Ала-Тоо конушунда күйүп жаткан үйгө өрт өчүрүүчүлөр толук даярдыкта кетишкен"

SUPER.KG'нин "Элдик видео" бөлүмүнө "Сокулукта үй өрттөнүп жатат" деген аталыштагы видео жүктөлгөн. Видеодо турак үй өрттөнүп, жанындагы адамдар өрттү өчүрүүгө аракет жасап жатканы тартылган. Ошондой эле кырсык болгон жерде топтолгондор өрт өчүрүүчү унаадан суу чыкпай жатканын айтышкан. Кырсыкка күбө болгон тургун унаадагы 20 метр шлангда 50дөй тешик бар экенин, мындан улам суу керектүү жерге жетпей жатканын кабарлаган.

Өрт Чүй облусунун Сокулук районундагы Новопавловка айылындагы турак үйдөн чыккан.

SUPER.KG порталы Өзгөчө кырдаалдар министрлигинин басма сөз кызматына кайрылып, өрт өчүрүүчү унаадан суу эмнеге чыкпай калгандыгынын себептерин сурады.

"Өрт чектөөгө алынып толук өчүрүлүп бүттү. Жабыркагандар жок. Ал эми күбөлөрдүн өрт өчүрүүчү унаа келип, бирок суусу чыкпай жатат деген билдирүүсү туура эмес. Себеби биздин кызматкерлер даярдыксыз абалда өрт чыккан жерге кантип бармак эле. Кызматкерлер толук даярдыкта, убагында барып өз милдеттерин аткарышты", - деди маалымат катчы.

Бүгүн, 23-август күнү саат 12:20 чамаларында Сокулук районунун Новопавловка айылынын Ворошилов жана Киров көчөлөрүнүн кесилишинде жайгашкан турак үйдөн чыккан.

Абалды видеодон көрүңүз.