Баткенде өзбек чек арачысынын огунан каза болгон Бакыт Тагаевдин өлүмү боюнча тергөө иши жүрүп жатат

Баткен облусунда өзбек чек арачысынын огунан каза болгон Бакыт Тагаевдин өлүмү боюнча Баткен чек ара горнизондук прокуратурасы тарабынан тергөө иши жүрүп жатат. Бул тууралуу мамлекеттик чек ара кызматынын башчысы Таалайбек Усубалиев бүгүн, 1-июлда маалымат жыйында билдирди. Айтымында, бул иш боюнча атайын комиссия түзүлгөн, азыркы күндө алардын иши толук бүтө элек. Тергөө аяктагандан кийин баа берилет. “5-июлда жолугушуу болот. Алар өздөрүнүн корутундусун 10 суткадан кийин чыгарып бериши керек”,- дейт ал.