Америкалык сенатор Жон Маккейн каза болду

АКШда белгилүү сенатор Жон Маккейн 82 жашында каза болду. Бул тууралуу чет элдик басылмалар жазышууда.

Ал 2017-жылдан бери баш мээсиндеги шишиктен жабыркап келген. Ушул жылдын 24-августунда сенатор дарыланууну токтоткондугун анын үй-бүлөсү жарыялаган.

Жон Маккейн 6 жолу "Республикалык партиянын" атынан сенатор болуп шайланган. Жаш кезинде ал аскердик учкуч болгон.

Ал 1955-1975-жылдар аралыгындагы Вьетнам согушу кезинде туткунга түшүп, 5 жыл камакта болгон. 1973-жылы АКШ менен Вьетнам тынчтык келишимине кол койгон соң Жон Маккейн камактан бошотулуп, АКШга кайткан. 1981-жылы ал аскер кызматынан кетип, саясатка аралаша баштаган.

2008-жылы "Республикалык партиянын" атынан президенттик шайлоого катышып, бирок Барак Обамага жеңилип калган. Ал аталган партиянын мүчөсү болгонуна карабай, Дональд Трамптын саясатын ашкере сындап келген.