Талас. Бакай-Атада "Аллах" деген жазуусу бар сырдуу таш табылды

Бакай-Ата районунун Көк-Таш айылынын тургуну Бакир Кубатов өз үйүндө кудук каздырып жаткан убагында 22 метр тереңдиктен “Аллах” деген арабча жазуусу бар сырдуу таш таап алган. Көрүнүштү айыл жашоочулары бүткүл мусулмандарга болгон белги катары кабыл алышууда. Анткени жаратылыштын мындай сырдуу кубулуштары көбүрөөк пайда боло баштады. Өткөн жылы болсо ушул эле айылда денесинде дал ушундай жазуусу бар козу туулган.