Бишкекте куураган чөп өрттөнүп 49 жаштагы жаран күйүк алды

Бишкекте 49 жаштагы жаран куураган чөптөн чыккан өрттөн күйүк алды. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, өрт 28-августта катталган.

Бишкектин Ленин районунун Жал кичи районундагы 15-үйдүн жанында ачык аянтта куураган чөп күйгөн. Өрттүн натыйжасында 1969-жылы туулган А.Т. аттуу эркек киши бутунан күйүк алып, "Тез жардам" кызматы аркылуу №4 шаардык ооруканага жеткирилген.

Учурда өрттүн себеби такталууда.