31-августтан 6-сентябрга чейинки күндөр аралыгында Кырчын капчыгайында күтүлгөн аба ырайы

Өзгөчө кырдаалдар министрлиги 31-августтан 4-сентябрга чейин III Дүйнөлүк көчмөндөр оюндары өтө турган Кырчын жайлоосундагы аба ырайынын божомолун билдирди. Билдирүүгө ылайык, кээ бир күндөрү капчыгайда күн күркүрөп, жаан жаайт.

31-августта түнкүсүн жаан жаап, күн күркүрөшү күтүлөт, күндүз жаан-чачын күтүлбөйт. Батыштан соккон шамалдын ылдамдыгы секундасына 4-9 метрден 14 метрге жетиши күтүлөт.

1-сентябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

2-сентябрда кыска мөөнөттөгү жаан жаашы мүмкүн. Батыштан соккон шамалдын ылдамдыгы секундасына 4-9 метрден 15-20 метрге жетиши күтүлөт.

3-4-сентябрь күндөрү асманды ала булут каптап турат, жаан-чачын жаайт деген божомол аз. Батыштан соккон шамалдын ылдамдыгы секундасына 4-9 метрге жетет.

5-6-сентябрь күндөрү Кырчын капчыгайында күтүлгөн аба ырайынын жакындатылган болжолдоосу:

5-сентябрда жаан-чачын күтүлбөйт. 6-сентябрда ала булут каптап турат, кыска мөөнөттөгү жаан жаашы мүмкүн. Абанын күндүзгү температурасы бир аз жогорулайт.