Талас. 1-июлга карата таластык дыйкан, фермерлер 205 миллион сомдук жеңилдетилген насыя алышты

Талас облусунда өкмөттүн 2013-жылдын 12-январындагы “Айыл чарбасын каржылоо долбоору жөнүндөгү” тотомунун негизинде 1-июлга карата 1151 дыйкан, фермерге суммасы 205 миллион 52 миң сомдук жеңилдетилген насыялар берилди. "Бул - өкмөт тарабынан бөлүнгөн насыялардын 73,1 пайызы ээлерине берилди дегенди билдирет",- деди 2-июлда өкмөттүн облустагы өкүлчүлүгүнүн аймактарды өнүктүрүү бөлүмүнүн башчысы Казыбек Медетбеков. Айтымында, берилген насыялардын 24 миллион 770 миң сому талаачылыкты, 180 миллион 282 миң сому мал чарбачылыгын өнүктүрүүгө багытталды.